Светот досега не успеа да реагира адекватно на кризата што е резултат на епидемијата со ебола, предупреди Советот за безбедност на ОН.
Во соопштение Советот нагласува дека смртоносната болест е закана за меѓународниот мир и безбедност. Тие ги повикуваат сите членки на ОН и хуманитарни организации да ги забрзаат и зголемат значително доставувањето ресурси вклучително и финансиски средства до погодените држави.
Советот за безбедност на ОН го објави тоа соопштение само еден ден откако шефот на мисијата на Светската организација за брза реакција во борбата со ебола Ентони Банбари предупреди дека светот треба да исполни критични цели до 1 декември,
– Ако не се успее во тоа, светот ќе биде соочен со една апсолутно без преседан ситуација за која немаме план, нагласи тој пред СБ на ОН. Мисијата што ја предводи тој, е прва во светот формирана од ОН за одговор на здравствена криза.