САД планираат да преземат дополнителни напади по убиството на тројца американски војници од страна на милициите поддржани од Иран минатиот викенд, изјави денеска советникот за национална безбедност на Белата куќа, Џејк Саливан.
„Имаме намера да извршиме дополнителни напади и акции, да продолжиме да испраќаме јасна порака дека Соединетите Држави ќе одговорат кога нашите сили ќе бидат нападнати и нашите луѓе ќе бидат убиени“, рече Саливан за „Meet the Press“ на NBC.
Соединетите Американски Држави и Велика Британија започнаа напади врз локации во Јемен против Хутите, како и цели во Сирија и Ирак.