Американскиот министер за одбрана Ештон Картер изрази загриженост дека иранските бродови, кои пловат кон Јемен може да превезуваат модерно вооружување за шиитските бунтовници Хути.
– Нема основа некој да доставува модерно вооружување во ситуација, која веќе во голема мера е надвор од разумните граници, рече тој кусо пред да слета во Калифорнија.
Вашингтон распореди оваа недела дополнителни воени бродови во близина на јеменското крајбрежје, како одговор на конвојот ирански товарни бродови во Арапското Море.