САД соопштија дека се радуваат на соработката со владата на новоизабраниот египетски претседател Абдел Фатах Ел Сиси, кого го повикаа да спроведе демократски реформи во земјата.
– Американскиот претседател Барак Обама во следните денови ќе разговара со поранешниот шеф на армијата, кој сега е новоизбран претседател, најави Белата куќа.
Во соопштението се наведува дека Белата куќа е задоволна што на меѓународните набљудувачи им беше дозволено да бидат во Египет во текот на изборите и дека гласањето мина мирно и на мирољубив начин.
Меѓутоа, Белата куќа е загрижена поради „рестриктивното политичко опкружување“ во кое се оддржаа изборите и апелира до новоизабраниот претседател да спроведе демократски реформи, што подразбира одговорна власт, транспарентност и заштита на универзалните права на сите Египќани.
Поранешниот прв човек на египетската војска убедливо победи на изборите во Египет, освојувајќи речиси 97 отсто од гласовите.