САД енергично ги отфрлија обвинувањата за вклученост на американски организации или граѓани во антивладините протетси што ја потресуваат Турција од крајот на мај.
– Апсолутно ги отфрламе обвиненијата дека американски групи или лица носат одговорност за протестите во Турција или дека ги разгорувале, изјави портпаролката на Стејт департментот Џенифер Псаки на прашање за таквите тврдења објавени во турските медиуми.
САД преку потпретседателот Џо Бајден и државниот секретар Џон Кери по првите протетси на 31 мај во Истанбул упатија критика до Анакра за прекумерната употреба на сила од страна на полицијата.
– Ние се концентрираме на повиците за смиреност и воздржаност. Остануваме близок сојузник на Турција, изрази уверување Псаки.