Директорката на Националното разузнавање на САД, Тулси Габард, денес изјави дека наредила одземање на безбедносните дозволи на 37 активни и поранешни разузнавачки службеници.
Габард изјави дека овие членови на американската разузнавачка заедница се обвинети за „политизирање и манипулирање со разузнавањето“, објави Ројтерс.
Во март 2025 година, Габард, по наредба на американскиот претседател Доналд Трамп, ги одзеде безбедносните дозволи на поранешниот државен секретар на САД, Ентони Блинкен, и поранешниот советник за национална безбедност, Џејк Саливан. Кратко потоа, таа објави на својот профил X дека редовниот дневен претседателски брифинг „веќе не му се обезбедува“ на поранешниот американски претседател Џозеф Бајден.