Комунистичката партија на Русија денес во Москва и други градови низ земјата, организираше протестни митинзи заради поскапувањето на комуналните услуги.
На митинзите беше побарано одржување на предвремени парламентарни избори.
Во Москва митингот беше одржан на Плоштадот на револуцијата, а на него присуствувале околу 3000 незадоволни граѓани. Собирот поминал без инциденти, а на него зборувал лидерот на руските комунисти Генадиј Зјуганов.
Покрај комунистите, на митингот во Москва учествувале и активисти на Левиот фронт, движењето Работна Русија и други левоориентирани организации.
Освен во Москва, комунистите слични собири организирале и во Екатеринбург, Магадан, Јакутск, Липецк, Пензи, Уљановск, Костром.
