„Во моментов нема основа за средба меѓу рускиот и украинскиот лидер“, соопшти денеска Кремљ.
Запрашан за предлогот на Турција да посредува во мировните преговори, портпаролот на Кремљ, Дмитриј Песков, рече дека Владимир Путин и Володимир Зеленски би можеле да се сретнат само откако и двајцата ќе ја „завршат својата домашна задача“.
Преговорите меѓу Москва и Киев се во застој со месеци, а двете страни меѓусебно се обвинуваат за ситуацијата. Кремљ ги повика и западните земји да извршат притисок врз Украина да престане да ја гранатира нуклеарната централа Запорожје. Москва и Киев меѓусебно се обвинуваат за напади врз најголемата европска нуклеарна централа, која е под контрола на руските сили.