Девет руски воени заробеници се ослободени денеска како дел од размената со Украина, јавија руските новински агенции, повикувајќи се на Министерството за одбрана.
„Девет руски војници чиј живот беше во опасност во заробеништво се вратени од територијата под контрола на режимот во Киев“, се вели во соопштението на Министерството.
Во размената на затвореници беа ослободени 12 Украинци, меѓу кои и тројца цивили
Имаше размена на затвореници меѓу Украина и Русија, при што беа ослободени девет Руси. Сега е потврдено дека 12 Украинци, меѓу кои и тројца цивили, се ослободени.
„Во текот на минатата недела успеавме да вратиме 98 Украинци. Работиме на ослободување на сите наши луѓе. Не запираме“, изјави Андриј Јермак, шеф на кабинетот на украинскиот претседател.