Кандидатката на белоруската опозиција на неодамнешните претседателски избори во државата, Светлана Тихановскаја, е ставена на списокот на барани лица во Русија.
Руски медиуми јавија дека лидерката на опозицијата Тихановскаја, по која е распишана потерница, „се бара според член од Кривичниот законик“, но не е прецизирано кој член.
Главната противничка на претседателот на Белорусија, Александар Лукашенко, на изборите на 9 август, во родната земја беше обвинета во Белорусија за загрозување на националната безбедност. По ова, таа избега во Литванија, каде што доби политички азил.
Според руската државна агенција ТАСС, Тихановскаја би можела да биде гонета и од Русија по нејзиното обвинение во Белорусија, бидејќи таквата можност е предвидена во договорите меѓу двете земји.