Русија верува дека постои добра шанса светските сили да постигнат договор со Иран во врска со спорната иранска нуклеарна програма до 24 ноември, кога е крајниот рок за постигнување договор, изјави денеска рускиот заменик министер за надворешни работи Сергеј Рјабков.
– Не гледаме на можноста да не се постигне договор до 24 ноември. Фокусирани сме целосно на задачата пред нас и шансата што ја имаме, која не е мала. Не смее да ја пропуштиме можноста, изјави Рјабков.
Западните сили веруваат дека иранската нуклеарна програма има за цел создавање нуклеарно оружје, додека Техеран тврди дека програмата е за мирни цели.