Кина и Русија ќе се борат против мешање во внатрешните работи на други држави и апелираат за откажување од јазикот на еднострани санкции, се наведува во заедничката изјава на претседателите на двете земји, Сји Џинпинг и Владимир Путин, по нивната денешна средба во Шангај.
Двајцата претседатели повикуваат да не се финансира или поддржуваат активности, кои има за цел промени на уставниот поредок на друга држава.
Сји и Путин апелираат „да се почитува стабилноста во меѓународните односи, мирот и безбедноста на регионално и глобално ниво“, преку решавање на кризните ситуации, борба против тероризмот и прекуграничниот криминал, како и со преземање мерки против ширењето на оружје за масовно уништување.