Соединетите Американски Држави и Кина се согласија дека Ормутскиот теснец не смее да се милитаризира или да биде предмет на систем на патарина, изјави американскиот државен секретар Марко Рубио по средбата меѓу американскиот и кинескиот претседател Доналд Трамп и Си Џинпинг во Пекинг.
– Кинеската страна изјави дека не е за милитаризација на Ормутскиот теснец и дека не е за систем на патарина, и тоа е нашиот став, рече Рубио во интервју за NBC News по повеќе од два часа разговори меѓу американските и кинеските делегации.
Рубио рече дека Трамп и Си „нашле заедничка основа за Иран“, истакнувајќи дека Кина го повторила своето противење на развојот на нуклеарно оружје од страна на Техеран.