Претседателот на Иран, Хасан Рохани во денешниот телефонски разговор со сирискиот колега Башар ал Асад, изрази поддршка на Дамаск во борбата против тероризмот и го осуди нападот на САД врз сириската воена база како нарушување на суверенитетот на Сирија.
– Сирискиот народ и војска се одлучни во тоа да го уништат тероризмот на територијата на Сирија, истакна Асад при тоа заблагодаруваќи му се на Иран за поддршката за „сириската нација“.
Русија и Иран на Асад му обезбедија воена поддршка во борбата против бунтовничките групи.