Авионот АТР 72, на романската компанија „Carpatair“, во кој имало 50 лица – 46 патници и четири членови на екипажот, вечерва излетал од пистата при слетувањето на римскиот аеродром „Фиумицино“.
Шест лица се повредени, тројца од нив се во критична состојба. Четири повредени патници се пренесени во болница, пренесува италијанската агенција АНСА.
На лице место има пожарникари и возила на итна помош.
За сега не се знае причината за слетувањето надвор од пистата, дали ветерот бил силен или се работи за грешка на пилотите.