Италијанскиот премиер Матео Ренци разговараше по телефон со египетскиот претседател Абдел Фатах ал Сиси по што повика на претпазливост во Либија исклучувајќи засега воена интервенција.
Во викендот дел италијански министри изразија загриженост поради напредувањето на радикалната група Исламска држава во Либија и побараа силно меѓународно мобилизирање.
– За либија е потребна мудрост, внимателност и чувство за ситуацијата. Сега ситуацијата е вон секаква контрола, но не е момент за воена интервенција, изјави Ренци во интервју за телевизијата ТГ 5.
– Ако се вклучат сите играчи, локалните племиња, но и држави од Африканската унија, и европски држави, апсолутно сум сигурен дека силите на ОН ќе бидат над тие на радикалните милиции, додаде тој.
Ренци вели дека меѓународната заедница го има сите потребни инструменти ако посака да се вмеша.
– Предлогот е да се почека Советот за безбедност, нагласи Ренци.