Австралиските власти конфискуваа рекордни 1,4 тони кокаин во вредност од над 240 милиони американски долари, од јахта крај бреговите на сојузната држава Нов Јужен Велс, јави ДПА.
– Кокаинот беше конфискуван од јахта, која патувалата за Австралија за време на операција извршена на 2 февруари, информираа денеска во заедничо соопштение австралиските министерствата за правда и за миграција и заштита на границите.
Во акцијата беа уапсени шест лица, вклучувајќи 63-годишен маж од Нов Зеланд и 54 годишен маж со двојно државјанство на Швајцарија и на Фиџи.
Операцијата е резултат на две и полгодишна истрага, во која учествуваа и властите на Нов Зеланд и Фиџи, изјави претставник на австралиската полиција.