Лидерот на владејачката партија Преродба во Тунис, Рашид ал Гануши, изјави денеска дека неговата земја се наоѓа на крајот на транзицискиот процес и го спомена референдумот како можност за излез од политичката криза.
– Се наоѓаме на последните сто метри од транзицискиот процес и одбиваме да одиме повторно од почеток, рече Гануши во интервју за белгискиот весник „Соар“.
Претходно и премиерот Али Лараед ја изнесе можноста за референдум на 29 јули. Според Гануши, оние кои повикуваат на распуштање на Парламентот се демаскирале, а „јавното мислење одбива да допушти земјата да падне во безнадежност“.