Речиси 100 луѓе починаа од топлотен бран во Индија. Најмалку 96 лица загинаа во двете најнаселени држави во Индија.
Смртта се случила во северната држава Утар Прадеш и источен Бихар, каде властите ги предупредиле жителите над 60 години и луѓето кои страдаат од разни болести да останат дома во текот на денот, пишува Гардијан.
Сите смртни случаи во Утар Прадеш, вкупно 54, се пријавени во областа Балија, околу 300 километри југоисточно од Лакнау, главниот град на државата. Властите открија дека повеќето од загинатите биле постари од 60 години и имале веќе постоечки здравствени проблеми, кои можеби биле влошени од екстремните горештини.
СК Јадав, медицински службеник во Балија, вчера изјави дека во последните три дена во окружната болница биле примени околу 300 пациенти поради разни заболувања отежнати од жештината. Поради сериозноста на ситуацијата, властите ги откажаа барањата за отсуство за медицинскиот персонал во Балија и обезбедија дополнителни болнички кревети во одделот за итни случаи за да се смести приливот на пациенти.
Официјалните лица рекоа дека повеќето од примените пациенти биле на возраст над 60 години и имале симптоми на висока температура, повраќање, дијареа, отежнато дишење и проблеми со срцето.
Балија, заедно со централниот и источниот дел на Утар Прадеш, моментално се бори со големи горештини. Вчера во областа беше забележана максимална температура од 43 Целзиусови степени. Евидентирана е релативна влажност од 25 проценти што го зголемува топлинскиот ефект. Атул Кумар Синг, научник од Индискиот метеоролошки оддел (IMD), рече дека температурите низ државата моментално се над нормалата.
„Не се очекува олеснување во следните 24 часа“, рече тој.