Путин: Ситуацијата во Босна и Херцеговина е сложена

Од:

Рускиот претседател Владимир Путин се сретна со Милорад Додик во Сочи, на маргините на Валдај форумот.

Путин на состанокот рече дека ситуацијата во Босна и Херцеговина е сложена.

„Со нетрпение го очекувам нашиот нов состанок, овој пат на маргините на Валдај форумот во Сочи. Неодамна го прославивте Денот на српското единство, на 15 септември. Би сакал да ви честитам. Знам дека ситуацијата во вашата земја воопшто не е едноставна, може да се каже, многу е сложена“, рече Путин.

Рускиот лидер истакна дека Додик вложува големи напори за градење односи со Русија и дека внимателно ги слушал проценките на Додик.

Додик рече дека е задоволен што имал можност да разговара за добри, стабилни, стратешки билатерални односи со Путин.

„Се согласувам со вас дека ситуацијата во нашата земја е сложена“, рече Додик.

Тој му се заблагодари на рускиот претседател за можноста да учествува на Валдај конференцијата.

„Драго ми е што го гледам напредокот на Русија. Имав можност да присуствувам и на Денот на победата, парадата остави извонреден впечаток“, рече тој.

Би можело да ве интересира

Зеленски: Постои огромна шанса за мир доколку САД навистина извршат притисок врз Путин

Трамп откри што го налутило Путин: Рускиот лидер бесен на Зеленски по нападот врз Кримскиот мост

Трамп, Путин и Си испратија заедничка порака до судот што бара апсење на рускиот претседател

Поранешен британски министер: Самитот потврди дека Америка повеќе не е предводник на слободниот свет

Путин првпат се огласи по нападите врз Кримскиот мост: „Нашиот одговор ќе биде многу поболен“

Зеленски: Трамп и Си можат да го принудат Путин да ја заврши војната