Џамијата во местото Фитја, во близина на Стокхолм доби дозвола од полициските власти за емитување на молитвите преку звучник поставен на минарето. Џамијата доби дозвола за емитување на молитвите преку звучник во траење од три до пет минути во петоците помеѓу 12 и 13 часот.
– На крајот сепак ја добивме дозволата и навистина сме многу задоволни. Ова е голема работа за муслиманите во Шведска. Сега ни претстои да обезбедиме соодветно озвучување на минарето – изјави Исмаил Окур, претседател на Исламското здружение во Ботширка.
Ова е првпат на една џамија во Шведска да и биде дозволено да практикува молитви преку звучници, така што овој случај би можело да биде преседан што ќе се применува на цела Шведска.
Мнозинството членови на Советот за општествена изградба во општина Ботширка, во која се наоѓа спомената џамија, пред извесно време ја поништија одредбата зацртана во урабанистичкиот план донесен пред изградбата на џамијата во 1994 година, дека не би смеело да се практикуваат никакви молитви со звучници од минарето.