Унгарскиот парламент денеска го одобри законот со кој и се дозволува на Шведска да се приклучи на НАТО.
Унгарија е последната од 31 членка на алијансата која го ратификуваше членството на Шведска по неколкумесечното „одолговлекување“ на владејачката партија Фидес по ова прашање.
По одлуката на Унгарија, НАТО се очекува да го потврди влезот на Шведска најдоцна до јули, за кога е закажан следниот голем самит во Вашингтон. Откако Унгарија ја ратификуваше одлуката, документот за влез на Шведска во НАТО ќе биде испратен до Соединетите Американски Држави, поточно до Стејт департментот, кој исто така ќе стави потпис на овој документ и ќе го депонира заедно со други документи на земјите членки на НАТО.