Во шестата и последна недела на Мелодифестивален 2024, Шведска ја избра песната за Евросонг. Помеѓу 30 кандидати, шведската јавност и осум меѓународни жирија се согласија да ги испратат браќата Маркус и Мартинус на европскиот натпревар со песната „Unforgettable“.
Маркус и Мартинус беа големи фаворити за освојување на Мелодифестивален.
Финалето на натпреварот се пренесуваше во живо од Френдс арената во Стокхолм, а домаќин беше Карина Берг.
Песната ја создадоа Џими „Џокер“ Торнфелд, Џој Деб, Линеа Деб, Маркус Гунарсен и Мартинус Гунарсен.
Маркус и Маринус Гунарсен (22) се родени и израснати во Норвешка, а се прославија кога на 10-годишна возраст победија на Melodi Grand Prix Junior во 2012 година. Тогаш се претставија со песната „To draper vann“.
После тоа нивната кариера зема замав, а на турнеите настапуваа и со Џејсон Деруло.