Откако синоќа Доналд Трамп ненадејно ги намали царините за земјите од „црната листа“ и најави пауза од 90 дена, од Европа и Азија пристигнуваат првите дипломатски реакции – со доза на претпазливост, но и олеснување.
Полскиот премиер Доналд Туск вели дека сите страни мора да го „искористат максимумот“ од оваа пауза, нагласувајќи дека одржувањето силни односи со Америка е заедничка одговорност и на Европа и на САД.
Вицепремиерот на Виетнам Хо Дук Фок рече дека Виетнам и САД планираат да започнат преговори за билатерален трговски договор, кој би вклучил и договор за тарифи.
Идниот германски канцелар Фридрих Мерц тврди дека одлуката на Трамп ја потврдува ефективноста на обединетата европска трговска политика: „Европејците се решени да ги бранат своите интереси, а овој пример покажува дека единството најмногу ни помага“.
Претседателката на Европската комисија Урсула фон дер Лајен ја поздравува одлуката на Трамп како „важен чекор кон стабилизирање на глобалната економија“. Тој додава дека ЕУ е сè уште подготвена да преговара за моделот „нула за нула“ кога станува збор за тарифите.