Претседателката на Литванија, Далија Грибаускајте го спореди рускиот претседател Владимир Путин со Хитлер и Сталин и рече дека тој го користи потеклото на нацијата, како изговор за воено освојување на некоја држава, поради што решавањето на украинската криза е далеку.
-Точно како што правеа Хитлер и Сталин. Таквата споредба е апсолутно вистинита- рече таа за германски „Фокус“ и додаде дека не само Украинците туку и балтичките држави и Полска ја чувстуваат руската агресија.
Грибаускајте истакна и дека практично секоја недела се одржуваат руски воени вежби во Каљинград, на границата со Литванија.
Претседателката оцени и дека Русија сака да ги држи балтичките држави во стопанска и енергетска зависност и од нив да направи недоверливи партнери на ЕУ и НАТО, но и дека не верува во Путин и брзо решавање на украинската криза.
-Тој многу калкулира. Тоа што ќе го вети не го спроведува, а доколку го спроведе тоа е затоа што нему му служи- рече Грибаускајте.
Е. Г.