Имa пресврт во приказната за руско девојче кое заврши во сиропиталиште откако нацрта антивоен цртан филм на училиште. Како што пренесува Ројтерс, руски извори тврдат дека нејзината мајка ја зела од сиропиталиштето.
Ројтерс ја цитира руската комесарка за правата на децата Марија Лвова-Белова, која рече:
„Маша (девојчето) на почетокот не сакаше да оди кај нејзината мајка, и според законот мораме да ја земеме предвид нејзината позиција. Но, сега таа се предомисли и тоа ми го кажа самата во телефонски разговор“.
Олга (мајката) веќе ја зеде Маша од центарот за напуштени деца.
– Да се надеваме дека се ќе испадне добро, и за мајка и за ќерка. Среќна сум што сме сведоци на нивното повторно обединување, изјави Лвова-Белова, која на својот канал Телеграм објави фотографија на која тврди дека ги покажува девојчето и нејзината мајка.
АП потсетува дека, во случајот што ја разбесни меѓународната јавност, откако таткото на 13-годишната Марија Москаљова беше осуден за „дискредитација на руската армија“ и доби две години затвор, додека неговата ќерка беше испратена во сиропиталиште откако црташе антивоен цртеж во училиште во кој имало украинско знаме.
Таткото Алексеј Москаљов избега од домашен притвор пред изрекувањето на пресудата и два дена подоцна беше уапсен во Белорусија. Неговото моментално место е непознато. Минатиот месец Меѓународниот кривичен суд во Хаг издаде налог за апсење на рускиот претседател Владимир Путин и Лвов-Белова, кои ги обвинуваат за незаконско депортирање на деца од Украина во Русија.