Според последните податоци, во светот од новиот коронавирусот до сега се заразиле вкупно 23.684.779 лица. Од нив починале 814.235, а оздравеле 16.139.779.
Атина – Во изминатите 24 часа во Грција е регистриран намален број нови случаи на Ковид-19. Националната организација за јавно здравје соопшти 170 случаи, од кои 27 се од направените тестови на влезните точки во земјата. Бројот на заразени од почетокот на епидемијата се зголеми на 8.819 лица.
Никозија – Министерството за здравство на Кипар денеска соопшти за вкупно 39 нови случаи на Ковид-19 од кои 30 се по направените тестови на аеродромите во текот на викендот. Вкупниот број на регистрирани случаи се зголеми на 1.460 лица.
Пекинг – Кина пријави 16 нови случаи на Ковид-19, а сите случаи се увезени од странство, соопштија денеска здравствените власти. Веќе осум дена Кина нема случаи на локално пренесување на коронавирусот.
Мумбај – Индија во последните 24 часа пријави 61.408 случаи на коронавирус, а вкупниот број на заразени е повеќе од 3,1 милиони, соопшти Министерството за здравство. Бројот на починати во последните 24 часа изнесува 836, а од почетокот на пандемијата починале вкупно 57.542 луѓе.
Лима- Перу во последните 24 часа пријави 9.090 случаи на Ковид-19, а вкупниот број на заразени во земјата достигна 594.326, соопшти Министерството за здравство во Лима. Бројот на смртни случаи достигна 27.663, додека 399.357 луѓе оздравеле.
Мексико Сити – Мексико во последните 24 часа пријави 3.948 случаи на Ковид-19, што е за 2.444 помалку од претходниот ден. Вкупниот број на заразени лица во земјата од почетокот на пандемијата достигна 560.164. Во последните 24 часа починале 226 лица, што е за 418 помалку од претходниот ден, а од почетокот на пандемијата во Мексико починале 60.480 луѓе.
Бразилија – Во последните 24 часа во Бразил се регистрирани 23.421 нови случаи на коронавирусот, а починале 494 пациенти, објави Министерството за здравство. Бројот на заразени денеска е помал за дури 25.000 од претходниот ден. Од почетокот на епидемијата, во Бразил се заразени 3,6 милиони луѓе. Починале повеќе од 114.000 луѓе.
Токио – Јапонија во последните 24 часа потврди 746 нови случаи на Ковид-19, соопшти денеска Министерството за здравство на земјата. Вкупниот број заразени сега изнесува 63.221. Уште пет лица починале од коронавирусот, а вкупниот број на смртни случаи од почетокот на пандемијата е 1.194. Од новите случаи, 212 се пријавени во Токио. Според градските власти, 51 проценти од новите случаи биле потврдени кај пациенти на возраст од 20 до 30 години.
Софија – Во изминатите 24 часа во Бугарија се потврдени 60 случаи на заразени со коронавирусот, што е за 36 помалку од претходниот ден. Вкупниот број на заразени достигна 15.287. Според официјалната статистика, во последните 24 часа нема починати од коронавирус, а вкупниот број на смртни случаи од почетокот на пандемијата е 545.
Москва – Бројот на потврдени случаи на коронавирус во Русија е зголемен за 4.744 – на 961.493. Во изминатите 24 часа од Ковид-19 починале 65 лица, а од почетокот на пандемијата починале вкупно 16.448 лица.
Љубљана – Уште две лица починаа од коронавирус во Словенија, а потврдени сè уште 14 случаи на заразени, соопшти денеска словенечката Влада. Во Словенија има вкупно 2.665 случаи на коронавирусот, а починале вкупно 133 лица.
Вашингтон – Во САД се потврдени 34.567 нови случаи на коронавирус, објави универзитетот Џонс Хопкинс. Вкупниот број на потврдени случаи во САД во моментов е 5.703.586. Во последните 24 часа, починале уште 449 лица, со што вкупниот број на смртни случаи достигна 176.808.
Букурешт – Во Романија во последните 24 часа се потврдени 825 нови случаи на коронавирус, а 37 лица починале, соопшти кризниот штаб на земјата. Во последните неколку недели земјата регистрираше по повеќе од 1.000 случаи на ден. Во Романија, потврдени се вкупно 79.330 случаи на коронавирусот, а 3.309 луѓе починале.
Приштина – Во последните 24 часа во Косово се потврдени 99 нови случаи на коронавирус, а 13 лица починале, објави Националниот институт за јавно здравје во Приштина. Во истиот период биле тестирани вкупно 406 лица, додека 152 пациенти се излекувани. Вкупниот број на позитивни случаи на Косово од почетокот на пандемијата е 12.547, додека бројот на активни случаи е 3.410. Починале вкупно 480 луѓе.