Властите во Букурешт денеска објавија портокалово ниво на опасност од поплави, откако интензивните врнежи не запреа повеќе од 20 часа.
Голем број улици во романскиот главен град се поплавени по поројните дождови, а десетици дрвја се откорнати од силните ветрови. Над 20 автомобили се уништени, а една жена е тешко повредена од пад на дрво.
Паднати дрвја и гранки го блокираат движењето на голем број трамваји и тролејбуси, соопшти портпаролот на претпријатието за јавен транспорт во Букурешт, Константин Тобеску.