Поранешниот претседател на Гватемала Алфонсо Портиљо e екстрадиран во САД, каде ќе му се суди за перење пари.
Како што јавуваат агенциите, 61-годишниот Портиљо бил превезен со возило за итна медицинска помош, во придружба на полиција, од воената болница во престолнината Гватемала каде беше лекуван од белодробни и срцеви проблеми со воздухопловната база, од каде полета за САД.
Адвокатот на Портиљо изјави дека не му било дозволено да го испрати својот клиент до воздухопловната база и екстрадицијата ја оцени како „незаконска“.
Тој вели дека со неа се повредува гватемалското и меѓународното право, за што гватемалскиот претседател се жалел во судот.
Главниот обвинител на Гватемала Клаудија Пас демантираше дека има нерешени жалби од Портиљо и потенцираше дека екстрадицијата е целосно законска.
Се смета дека Портиљо испрал над 70 милиони долари.