Поранешниот гватемалски претседател Алваро Колом и неговиот поранешен министер за финансии Хуан Алберто Фуентес Најт, кој е актуелен претседател на невладината организација Оксфам Интернешнл, се уапсени во Гватемала во рамки на истрагата за корупција, соопшти гватемалското обвинителство.
Веста за апсењето на претседателот на Оксфам е нов удар врз оваа британска хуманитарна организација, која веќе е вмешана во скандал со проститутки на Хаити, поради кој во понеделникот оставка поднесе нејзиниот помошник генерален директор Пени Лоренс.
Шеесет и шестгодишниот Колом, кој беше гватемалски претседател од 2008 до 2012 година, бил уапсен во неговиот дом во богат кварт на главниот град Гватемала.