Полското биро за статистика денеска го откажа редовното објавување на проценката за инфлацијата во март, велејќи дека во наредниот период нема да објавува податоци поради пандемијата на коронавирусот.
Проценката на инфлацијата требаше да биде објавена утре претпладне и да послужи како показател за економската состојба во месецот во кој беше регистриран првиот случај на инфекција со коронавирус во земјата.
Кон крајот на минатата недела, полската Владата испрати предлог-закон до Парламентот со кој ќе се овозможи да се утврдат максимални цени и маржи за одредени производи за да се ублажат негативните ефекти од пандемијата врз економијата.
Предлогот предвидува можност министерот за здравство, во соработка со министерствата за економија и земјоделство, да постави максимални цени за производите поврзани со здравствената заштита, безбедноста на луѓето и трошоците за домаќинствата.