Полска: Претреси на неколку локации кои се дел од истрагата за наводна руска шпионажа

Од:

Полската агенција за внатрешна безбедност (ABW) изврши претреси на неколку локации како дел од истрагата со други европски безбедносни служби за наводна руска шпионажа, објави денеска агенцијата.

Полска тврди дека станала главна цел на руските шпиони по рускиот напад на Украина, објави Ројтерс.

Полска ја обвинува Москва и нејзиниот сојузник Белорусија дека се обидуваат да ја дестабилизираат.

„Документирани се акции насочени кон организирање проруски иницијативи и медиумски кампањи во земјите на ЕУ“, се вели во соопштението на ABW, повикувајќи се на веб-страницата voice-of-europe.eu, за која тврди дека објавува проруски материјали.

Претресите беа извршени во вторникот на неколку локации во Варшава и во Тихи, град во југозападна Полска. Не беа дадени конкретни детали.

Операцијата е координирана со други земји, особено со партнери од Чешка, се вели во соопштението.

Во средата чешката влада воведе санкции за две лица, меѓу кои и прорускиот украински политичар Виктор Медведчук и веб-страницата voiceofeurope.com, поради проруското влијание во Европа.

Би можело да ве интересира

Полска објави дека поддржува решение со две држави за Израел и Палестинците

Полска издвојува 375 милиони долари за зајакнување на оградата на границата со Белорусија

ВИДЕО: Изгоре огромен трговски центар со 1400 продавници во Вашрава

Полски министер за одбрана: Полјаците се огорчени кога гледаат млади Украинци во кафулињата

Горан Наумовски

Полска е подготвена да распореди нуклеарно оружје на НАТО на своја територија

Пијан провалил во козметички салон во Полска и заспал, го разбудила полицијата