Полскиот претседател Анджеј Дуда денеска најави дека ќе го потпише контроверзниот закон за Холокаустот, кој предизвика остри реакции во Израел, Украина и САД.
Шефот на полската држава, исто така, побара од Уставниот суд да одлучи дали законот е спротивен на Уставот во делот на слобода на говорот, како и за одредбата што предвидува затвор за оние кои го обвинуваат полскиот народ или држава за учество во нацистичките злосторства.
Законот предвидува до три години затвор за оние кои го користат изразот „полските логори на смртта“ и кои изјавуваат „јавно и спротивно на фактите“ дека Полска или полскиот народ се соучесници во злосторствата на нацистичка Германија.