Европската комисија денеска би можела да започне процес за одземање на правото на глас на Полска во рамки на институциите на ЕУ, соопшти неименуван извор од седиштето на Унијата во Брисел.
Најавата за одземање на полското право на глас во ЕУ доаѓа во време на кулминација на повеќемесечните тензии меѓу Брисел и Варшава, во врска со измените на законите за судскиот систем што ги спроведува конзервативната популистичка Влада на Полска.
ЕУ оценува дека со законските измени, полската Влада ја поткопува независноста на судството и се обидува да го стави по своја контрола судскиот систем во земјата.