Полскиот министер за надворешни работи Збигњев Рау потпиша дипломатска нота до Германија во врска со репарациите од Втората светска војна со која се официјализираше барањето на Полска за репарации.
Потегот уследи откако полските владејачки националисти минатиот месец проценија дека Германија и должи на земјата 1,26 милијарди долари. Германија, најголемиот трговски партнер на Полска, рече дека сите побарувања за пари поврзани со војната се подмирени.
Во војната загинаа околу 6 милиони Полјаци
„Нотата го изразува ставот на полскиот министер за надворешни работи дека страните треба да преземат итни чекори за трајно и ефикасно решавање на прашањето за последиците од агресијата и германската окупација“, рече Збигњев Рау на прес-конференција.
Околу шест милиони Полјаци, вклучително и три милиони полски Евреи, беа убиени за време на војната, а Варшава беше срамнета со земја по востанието во 1944 година во кое загинаа околу 200.000 цивили.