Европските претставници и дипломати водат доверливи разговори за тоа како да се му се спротивстават на американскиот претседател Доналд Трамп околу Гренланд, објави „Политико“, повикувајќи се на дипломатски извори.
Прашањето, наводно, е многу чувствително, кое се дискутира во неколку европски престолнини, далеку од очите на јавноста. Иако преовладува верувањето во европските кругови дека секој отворен вооружен конфликт меѓу САД и која било европска земја би бил краткотраен, се разгледуваат и други начини за влијание врз однесувањето на Вашингтон.
Еден можен пат вклучува американски воени инсталации во Европа и пошироката северноатлантска област. Некои претставници се прашуваат зошто САД би продолжиле да ги користат овие објекти, како и да уживаат поддршка од европските морнарици, воздухопловни сили и безбедносни служби, доколку се обидат да го оспорат суверенитетот на Данска, земја-членка на Организацијата на Северноатлантскиот договор.