Во Белгија почна судски процес против осум жени од кралскиот двор на Абу Даби кои 20 домашни помошници ги третирале како робови.
Принцезата Хамда Алнехајан, вдовица на шеикот од Абу Даби и нејзините седум ќерки се обвинети за „нехуман и понижувачки“ однос кон домашните помошници, конфискација на пасошите и не им плаќале.
Белгискиот полиција по добиена пријава во 2008 година влегла во луксузен хотел, каде принцезите имале цел кат на располагање цела година. Домашните помошнички 24 часа им биле на располагање и никогаш не ја напуштале зградата.
Се претпоставува дека слугите по потекло од Филипини, Мароко, Индија, Египет, Турција, Ирак и Сирија биле држани осум месеци.