Прометната метро станица „Стратфорд“ во Лондон, повторно е отворена откако претходно денеска беше затворена поради проверка на сомнително возило, оставено на паркинг на блискиот трговски центар Вестфилд.
Станицата беше затворена во 8.16 часот по локално време, но возовите продолжија да минуваат, без да запираат.
Сомнителното возило било проверено, по што полицијата дала одобрение за повторно отворање на метро станицата.