Северна Кореја соопшти дека доаѓањето на носачите за авиони и групи бродови на американската морнарица до крајбрежјето на Јужна Кореја, претставува сериозна провокација.
Носачот на авиони Нимиц, кој ја предводи групата на разорувачи и патролни бродови вчера пристигна во регинот, каде што треба да учествува во заедничката вежба со Јужна Кореја.
Севернокорејската комисија надлежна за меѓукорејски прашања соопшти дека доаѓањето на американската морнарица е сериозна воена првокација, кој може да предизвика тензии во регионот.
Комисијата наведе дека воените вежби на САД и Јужна Кореја претставуваат уцена, а настојувањето да се нападне Север е неодоворност.
Заедничката воена вежба треба да започне наредните денови.
Елена Георгиевска