Северна Кореја постави нови ракетни системи долж својата граница, кои можат да погодат цели подалеку од Сеул.
Севернокорејски артилериски единици се забележани како ги менуваат старите ракетни системи со подобрена верзија од 240 милиметри.
Јужнокорејските медиуми повикувајќи се на неименуван владин претставник објавија дека новите системи имаат дострел од 70 километри и можат да гаѓаат цели подалеку од Сеул, кој се наоѓа поблиску до границата.
Според јужнокорејски тврдења, Северна Кореја располага со околу 5.100 ракети. Жителите на Сеул и околните градови, кои заедно сочинуваат половина од 49-милионското население во земјата, постојано живеат под закана од напади на севернокорејските ракети и далекустрелни топови.