Северна Кореја утрово го отфрли барањето на Јужна Кореја, за преговори околу индустриската зона Кесонг, со која управуваат и девете држави, а која веќе месец дена е затворена.
Пјонгјанг денес со негативниот одговор, го предупреди Сеул дека се можни сериозни последици.
Претходно Сеул го предупреди Пјонгјанг за исти такви последиците од затворање на индустриската зона, симболот на меѓукорејската соработка и побара да разговараат.
Ниту една од двете држави не објасни што подразбира под сериозни последици.
Војната со зборови, ја доведе во прашање иднината на комплексот, кој се наоѓа на територија на Северна Кореја, во која технологијата и знаењето го обезбедуваат менаџери од Јужна Кореја, додека повеќето работници се Севернокорејци.
Пјонгјанг во почеток на месецов, кога на Сеул и Вашингтон им се закани со „светата нуклеарна војна“, им забрани на менаџерите да влегуваат во Кесонг, а подоцна ги повлече севернокорејските работници.
Елена Георгиевска