Сите петмина патници загинаа кога мал авион од типот „Бичкрафт“ удри во шопинг центар, веднаш по полетувањето од аеродром во близина на австралискиот град Мелбурн.
– Причина за несреќата бил дефект во моторот на леталото. Малиот авион веднаш по полетувањето од аеродромот „Есенден“ удрил во покривот на трговскиот центар, кој се наоѓа веднаш до крајот на пистата. Во него се наоѓале пет патници и веројатно никој не ја преживеа несреќата, изјави портпаролот на полицијата во Мелбурн, Стивен Лин.
Тој додаде дека инцидентот се случил изутринава, кога трговскиот центар се уште не бил отворен, па затоа нема и други жртви.