Портпаролот на Кремљ, Дмитриј Песков, денеска изјави дека е малку веројатно американскиот претседател Доналд Трамп да не ги продолжи санкциите против Русија, кои беа воведени од администрацијата на претходниот американски претседател Џозеф Бајден.
„Би било тешко да се очекува каква било друга одлука, особено затоа што ова се прилично автоматски дејствија. Веројатно сме на почетокот на нашиот пат кон нормализирање на односите, практично обновувајќи ги од нула. Затоа, немавме големи очекувања по ова прашање“, изјави Песков за новинарите, пренесе Интерфакс.
Песков оцени дека контактите меѓу руската страна и специјалниот претставник на американскиот претседател Стив Виткоф се корисни, бидејќи им овозможуваат на шефовите на двете земји меѓусебно да ги соопштат своите позиции.