Денеска во Перу започна уривањето на четири и пол километри долгиот „ѕид на срамот“ кој ги дели богатите од соседната населба во која живее сиромашното население.
Ѕидот на некои места висок и до три метри и обезбеден со бодликава жица ги дели луѓето кои живеат во нестабилни згради на земјени патишта без основни услови за пристоен живот од асфалтирани населби и луксузни вили, пренесува Ројтерс.
Ѕидот стана симбол на длабоката нееднаквост во земјата, а неговото уривање го одобри Уставниот суд по четиригодишна правна битка.