Русија ги испрати речиси сите војници во Украина собрани во последните месеци на границата меѓу двете земји, процени Пентагон, испраќајќи дополнителни војници во Европа за зајакнување на безбедноста на НАТО.
Рускиот претседател Владимир Путин досега го распореди речиси целиот контингент од повеќе од 150.000 војници во Украина, изјави во понеделникот висок претставник на американската одбрана.
Како што руските операции се интензивираат, цивилите се сè повеќе погодени, а Москва сега се обидува да „регрутира“ странски борци, вклучително и Сиријци, соопшти американското Министерство за одбрана.
Дванаесет дена по почетокот на инвазијата на Украина, руските сили главно заглавија во северниот дел на Киев и сè уште не го контролираат небото над Украина, сè повеќе потпирајќи се на ракетни и артилериски напади. Освен напредокот во јужна Украина, руските сили „не постигнаа никаков забележителен напредок во последните денови“, изјави портпаролот Џон Кирби за новинарите во Вашингтон.
Официјалниот претставник рекол дека Русија истрелала повеќе од 625 проектили врз украински цели.
САД распоредија 12.000 војници во Европа од февруари, покрај оние што се веќе стационирани таму.