Судот во Москва го одби барањето на Американецот Дејвид Барнс да биде ослободен од руски затвор, објавија денеска американските медиуми.
На сослушувањето кое траеше околу три часа, судијата на градскиот суд во Москва го одби барањето на адвокатот Глеб Глинка да го ослободи Барнс од притвор, пренесува „ABC News“.
Наместо тоа, судијата му ја продолжи казната на Барнс за шест месеци и нареди тој да биде префрлен во казнена колонија со високо обезбедување со задолжително психијатриско лекување.