Руско беспилотно летало денеска во 17 часот и 55 минути погоди станбена зграда во Херсон на југот на Украина, само пет минути пред да стапи на сила велигденскиот прекин на огнот што го објави рускиот претседател Владимир Путин, соопшти началникот на кабинетот на украинскиот претседател – Андриј Јермак.
Тој објави видео од нападот на каналот Телеграм.
Рускиот напад на станбена зграда во Херсон на Телеграм го потврди и Дарија Заривна, советничка на началникот на кабинетот на украинскиот претседател, пренесува Укринформ.
Засега нема информации за евентуални повредени во нападот.
Претходно денеска Путин го објави велигденското примирје кое почнува во 18 часот и трае до недела на полноќ по московско време, пренесува Танјуг.