Палестинец, кој се обидел да избоде со нож израелски војници на Западниот брег, е убиен, соопшти израелската армија.
Инцидентот се случил во близина на воена база јужно од градот Наблус на Западниот брег. Во нападот нема повредени војници.
Изминатите четири месеци речиси секојдневно има палестински напади и судири на палестинци со израелските сили за безбедност, во кои досега се убиени 24 Израелци и американски студент и околу 145 Палестинци.