Палестинското раководство му предложи на Египет план за петдневно примирје во Појасот Газа, за време на кое би се одржале преговори за прекин на огнот меѓу Палестинците и Израел.
– Палестинското раководство понуди нов предлог во рамки на египетската иницијатива за примирје, за време на кое итно ќе бидат одржани петдневни преговори, истакна во Каиро претставникот на партијата Фатах, Азам ал Ахмед.
Претходно, генералниот секретар на ОН, Бан Ки-мун изрази „надеж и верба“ дека неговата посета на Блискиот Исток ќе доведе до брзо решавање на судирот меѓу палестинското движење Хамас и израелската војска.
Тој во видео конференциска врска со Советот за безбедност на ОН од Рамала, истакна дека не може да зборува за детали „во овој многу чувствителен момент“.