Осум лица загинаа кога хеликоптер, кој извршувал спасувачка мисија, се урна поради невреме во индиската држава Утарaканд, која е зафатена од големи поплави, соопшти индиското Министерство за одбрана.
Хеликоптерот на индиското Воено воздухопловство се урнал во близина на Гаврикунд на враќање од Кедарнат, кој е еден од најпогодените реони од поплавите. Загинале петмина војници и тројца цивили.
Воени хеликоптери продолжуваат да евакуираат илјадници луѓе од поплавените области и покрај лошите временски услови.